Veta sociala

Festivar fiastas
Natalezis ni autras festivitads da nossas cussadentas e nos cussadents san vegnir festivai ella Casa s. Martin. Bugen propona nies caucuschina (Gion Cajacob) in menu.

Gentar per hosps 
Parents, amitgs ed enconuschents san, cun ina annunzia avon las 10.00 uras, gentar communablamein cun lur cussadentas e cussadents.

Voluntaris 
Voluntaris sustegnan la tgira da nossas cussadentas e nos cussadents cun ir a spass, giugar, accumpagnar sin viadis, far visetas, etc.

Eveniments
Numerusas occurenzas e producziuns culturalas e musicalas duront igl onn porschan variaziun en casa.
Datas e detagls anfleis Vus sut occurenzas.

Actual

Di dalla tgira

Di dalla tgira – applaus ei bien, mo respect ei meglier.

La tgira mereta dapli ch’in sbatter sin la schuiala.
La tgira mereta temps.
La tgira mereta cundiziuns gestas.

Tgira mereta renconuschientscha – mintga di, bu mo ils 12 da matg.

Nossas collaboraturas e nos collaboraturs lavuran cun cor, tschurvi, cun egliada professiunala ed empatia. Els teidlan, accumpognan, consoleschan, rian, tgiran, organiseschan – savens sut squetsch ed adina cun tenuta. Ina buna tgira sebasa sin dignitad, premura ed humanitad.

Appreziar las persunas che tgiran lur confamigliars ei la basa per ina convivenza ferma e sauna. Tgi che respecta, rinforza buc mo auters, mobein era sasez e gl’entir stadi professiunal.

Grazia a tuttas e tuts che fan la tgira tier quei ch’ella ei: indispensibla.

Per igl entir Team dalla Casa s Martin, Anna Jäger

(Deutsch) Offene Stellen

Menu dils 05-08-2025

gentar

suppa da truffels e por
saltimbocca alla romana
sosa da Madeira
risotto da safrauna
zuchettis cun tomata e timian
S da vaniglia e tschugalata

tscheina

suppa dil di
pulenta e truffels
barsai en pieun
platta da caschiel
e ligiongia secca
caffè e latg