Certificat ISO 9001:2015

El meins da settember 2024 ha danovamein giu liug en Casa s. Martin igl audit da recertificaziun per contonscher las pretensiuns dalla norma dad ISO 9001:2015. Cun plascher havein nus retschiert da „Swiss Safety Center AG“ ils 3 d’october 2024 il niev certificat. Quel vala per suandonts secturs dalla casa: direcziun, finanzas, administraziun, tgira ed accumpignament, formaziun e scolaziun (menaschi d’emprendissadi), activaziun, gastronomia, survetsch tecnic, sigertad da lavur, schurmetg dalla sanadad e sigertad da menaschi. Il certificat vala entochen ils 6 d’october 2027.

Cordial engraziament a tut il persunal per siu grond e professiunal engaschi, il qual ha puspei possibilitau a nus da contonscher las pretensiuns dalla norma dad ISO 9001:2015.

Il meinacasa

Actual

Di dalla tgira

Di dalla tgira – applaus ei bien, mo respect ei meglier.

La tgira mereta dapli ch’in sbatter sin la schuiala.
La tgira mereta temps.
La tgira mereta cundiziuns gestas.

Tgira mereta renconuschientscha – mintga di, bu mo ils 12 da matg.

Nossas collaboraturas e nos collaboraturs lavuran cun cor, tschurvi, cun egliada professiunala ed empatia. Els teidlan, accumpognan, consoleschan, rian, tgiran, organiseschan – savens sut squetsch ed adina cun tenuta. Ina buna tgira sebasa sin dignitad, premura ed humanitad.

Appreziar las persunas che tgiran lur confamigliars ei la basa per ina convivenza ferma e sauna. Tgi che respecta, rinforza buc mo auters, mobein era sasez e gl’entir stadi professiunal.

Grazia a tuttas e tuts che fan la tgira tier quei ch’ella ei: indispensibla.

Per igl entir Team dalla Casa s Martin, Anna Jäger

(Deutsch) Offene Stellen

Menu dils 05-08-2025

gentar

suppa da truffels e por
saltimbocca alla romana
sosa da Madeira
risotto da safrauna
zuchettis cun tomata e timian
S da vaniglia e tschugalata

tscheina

suppa dil di
pulenta e truffels
barsai en pieun
platta da caschiel
e ligiongia secca
caffè e latg