Habitar en la Casa s. Martin

La veta en la Casa s. Martin ei caracterisada da sentupadas, activitads e da segirtad. Nus havein purschidas variontas pil temps liber, moviment, occurrenzas culturalas e muments quiets el curtin pign ni en nos locals da dimora cumadeivels.

Buna spisa sauda per nus tier il beinstar: Nossa cuschina procura mintga di per differentas spisas che dattan cuntentientscha e plascher da viver.

Nossa casa porscha dimora per 60 persunas attempadas che basegnan tgira en 48 combras singulas e 6 combras dublas. 5 habitaziuns per persunas attempadas per habitar en moda independenta stattan era a disposiziun. Tut las stanzas han in bogn separau sco era telefon e televisiun. Sin giavisch astgan las atgnas mobilias vegnir endrizzadas en combra per possibiltar in bien e cauld sentiment familiar.

Nus purschin in program plein activitads per tgierp, spért ed olma, che colligia il habitar, la veta ed il guder.

Anniversaris, fiastas ed activitads communablas enriheschan la veta en la Casa s. Martin. In program variont cun purschidas culturalas, musicalas e creativas procura duront igl entir onn per divertiment e plascher.

Nies plevon da casa porscha mintg'jamna survetschs divins en la caplutta dalla Casa s. Martin ed el ei era adina cheu sin giavisch per nossas cussadentas e per nos cussadents. La caplutta ei aviarta per tuts ed era per jasters e dat albiert alla via dalla crusch originala dad Alois Carigiet.