Scolaziun e practicum
S’imaginescha che tiu job fa propi senn.
Accumpignar carstgauns. Surprender responsabladad. Esser part d’in ferm team.
Entscheiva tia scolaziun tier nus en la Casa s. Martin a Trun.
Daco ina scolaziun ella tgira?
✔ Ina professiun cun senn e veritabel effect
✔ Perspectivas segiras pil futur
✔ Pusseivladads multifaras da perfecziunament e da svilup
✔ Luvrar cun carstgauns – negina clamada da biro
Tgira vegn adina duvrada. E ti vegns duvra:da.
Nossa responsabla per la scolaziun Yvonne Laura Bundi e las responsablas per la formaziun professiunala accumpognan tei a moda professiunala e persunala sin tia via da scolaziun e selegran da sustener tei.
Nossas purschidas da scolaziun
La Casa s. Martin porscha plazzas da scolaziun en ils suandonts secturs:
- Studi da tgirunz:a dipl. HF
- Specialist:a da sanadad AFQ (FaGe)
- Specialist:a da sanadad per carschi AFQ (proceder da qualificaziun)
- Assistent:a da sanadad e fatgs socials AFP
Tier nus emprendas ti d’enconuscher las incumbensas multifaras dalla tgira sin liunga vesta directamein el mintgadi – e quei a moda pratica, accumpignada e pass per pass cun responsabladad carschenta.
Di da fuffergnadi
Empren d’enconuscher persunalmein nossa casa, nies team ed il mintgadi da tgira duront in di da fuffergnadi, nunligiont e pratic.
Aunc damondas? Scriva semplamein a nus.
yvonne.bundi@casasmartin.ch / 081 929 32 10
Nus selegrein d’emprender d’enconuscher tei.
Ulteriuras informaziuns davart professiuns da tgira el cantun Grischun:
www.puls-berufe.ch/graubuenden
Nus investin sapientivamein egl avegnir dalla tgira e rinforzein aschia il provediment da sanadad en Surselva. La Casa s. Martin ei commembra el consorzi Regiun da sanadad Surselva, il qual ei s'unius pil studi da tgirunza diplomada HF. S'interesseis Vus per la professiun, mirei sin www.puls-berufe.ch.