Casa s. Martin
Via Sogn Martin 17
7166 Trun
Telefon 081 929 32 00
E-Mail info@casasmartin.ch

Luvrar & emprender

Luvrar cun tgierp ed olma

Ella Casa s. Martin lavuran persunas engaschadas che han plascher da possibilitar ad autras persunas qualitad da viver e segirtad. Nus purschin cundiziuns da lavur gestas, in team motivau e numerusas pusseivladads da sesviluppar persunalmein e professiunalmein.

La tgira ed assistenza capin nus sco caussa dil cor: empatia, respect e la professiunalitad stattan adina el center – enviers nossas cussadentas e nos cussadents sco era enviers il team. Plazzas interessantas, schanzas da sesviluppar e scolaziuns supplementaras internas ed externas garanteschan in'aulta qualitad da tgira e da lavur.

Promoziun activa per collaboraturas e collaboraturs

Nus dein peisa sin la promoziun da nossas collaboraturas e da nos collaboraturs. Nies program variont da scolaziun supplementara interna porscha offertas adattadas per tut las collaboraturas e tut ils collaboraturs. Tut tenor basegns e qualificaziun sustegnan nossas direcziuns da sectur era las scolaziuns supplementaras individualas.

Nus confrontein activamein pertucont la munconza da persunas specialisadas: Nus purschin scolaziuns supplementaras attractivas ella tgira ed assistenza sin liunga vesta, scolaziuns scursanidas da persunas emploiadas specialisadas sil sectur da sanadad (FaGe) sco er il studi da tgira HF – adina colligadas cun bunas cundiziuns generalas.

Nus vivin in "ti" plein respect

Dallas emprendistas e dils emprendists entochen la meinacasa: Nus s’inscuntrein in cun l’auter plein stema. Era el process d'annunzia astgas ti pia directamein s’annunziar cun il prenum.

Tgei che ti astgas spitgar da nus

Nossas collaboraturas e nos collaboraturs ein nies capital il pli prezius. Nus procurein che ti sesenties bein tier nus e che ti possies ademplir tia lavur cun plascher. Perquei saudan avantatgs e pintgas surpresas semplamein era tier nus.