tgira & assistenza
Professiunal, individual, human
Nus purschin ina tgira ed assistenza che s'orientescha al human: a moda individuala, orientada allas resursas e cun dignitad.
La tgira ed assistenza capin nus sco survetsch ch'ei caracterisada da vischinonza interhumana. Familiar, stema, communicaziun aviarta e respect vicendeivel ein la basa per nossa lavur quotidiana.
Nus promovin habilitads ch'ein avon maun, sustenin aschia in agir independent e scaffin in dacasa plein segirtad e plascher da viver.
Nus tedlein attentamein las historias dalla veta, schein parter plascher e displascher e contribuin a lur beinstar corporal e psichic. In team bein scolau, ina demanonza conscienziusa e respectusa garanteschan ina tgira professiunala, humana e plein empatia.
Per che las cussadentas ed ils cussadents dalla Casa s. Martin sesentien bein protegi e dacasa ei nies persunal sespecialisaus ed en acziun durant 24 uras per di. Indrezs moderns procuran per esser contonschibels permanentamein.
Organisaziun activa dil di
La purschida varionta d'activaziun possibilitescha il promover ils interess ed ils talents persunals e da concepir aschia activamein il mintgadi. En emprema lingia stat il plascher vid igl agen far.
Il brat quotidian cun auters carstgauns e la cuminonza possibiliteschan experientschas socialas.
L'activaziun integrescha tut ils senns e porscha experientschas musicalas, sensoricas, cognitivas e concepziunalas. La mobilitad ed igl inschign vegnan promovi.
Naturalmein astgan las fiastas e las excursiuns stagiunalas buca muncar.
