Muossavia
versiun cuorta
Directiva
La veta humana fa adina senn e vul vegnir tractada en mintga situaziun cun dignitad – era duront il pitir e murir. Nus dein spazi a persunas pli veglias da mirar anavos ed anavon ed accumpignein cussadentas e cussadents sin lur via. Ella Casa s. Martin dueian cussadentas e cussadents sesentir dacasa, en segirtad ed els dueian saver cuntinuar lur historia dalla veta cun dignitad.
Tgira ed assistenza
Nossas cussadentas e nos cussadents han il dretg da vegnir vegls individualmein e cun dignitad. Nus essan cheu per els cun respect, mantenin lur sfera privata e promovin lur autonomia. Ina tgira adequata tenor las enconuschientschas actualas sustegn lur qualitad da viver. Alla tgira palliativa ed agl'accumpagniment da persunas moribundas ed als confamigliars attribuin nus ina gronda impurtonza.
Confamiliars, enconuschents ed amitgs
Tuts ein adina beinvegni tier nus. Nus tgirein la collaboraziun, aschi lunsch che quei ei era el senn da nossas cussadentas e da nos cussadents.
Collaboraturas e collaboraturs
Nossas collaboraturas e nos collaboraturs lavuran cun engaschi, cun segirtad e cun quitau e contribueschan a moda essenziala al success dalla Casa s. Martin. Nus promovin lur cuntentientscha, lur motivaziun ed il svilup tras la libertad d'agir, la formaziun supplementara, ina paga gesta e honesta sco era la gestiun transparenta.
Collaboraziun e cultura
La Casa s. Martin ei ina casa aviarta e francada ella regiun. Nus tgirein il brat cun instituziuns culturalas e socialas, beneventein cordialmein visitadras e visitaders e collaborein cun partenaris locals.
